Թուրքիայի պետական «Anadolu» լրատվական գործակալությունը հրապարակել է վաղ տարիքում հանցագործության վիճակագրության վերաբերյալ տվյալներ։ Նշվում է, որ 85 մլն բնակչություն ունեցող Թուրքիայում 0-17 տարիքային խումբը կազմում է շուրջ 21 մլն 817 հզ. (25.5 տոկոս): Ստացվում է, որ յուրաքանչյուր չորս մարդուց մեկը երեխա է։
Թուրքիայի արդարադատության նախարարության տվյալները ցույց են տալիս, որ վերջին տարիներին Թուրքիայում հանցագործությունների մեջ ներգրավված երեխաների թիվը զգալիորեն աճել է։ Հանցագործությունների մեջ ներգրավված երեխաների թիվը 2015-ին կազմել է 158.560, 2016-ին՝ 146.737, 2017-ին՝ 145.210, 2018-ին՝ 157.096, իսկ 2019-ին՝ 161.378։
2020-ին, մասամբ COVID-19 համավարակի պատճառով, հանցագործությունների մեջ ներգրավված երեխաների թիվը նախորդ տարվա համեմատ նվազել է 25.8%-ով՝ հասնելով 119.769-ի։
Մասնավորապես վերջին 10 տարիների վիճակագրության համաձայն՝ հանցագործության մեջ ներգրավված երեխաների ամենամեծ թիվը գրանցվել է 2024-ին՝ 188.926, մինչդեռ այս թիվը 2025-ին նվազել է ու հասել 186. 256-ի։ Ստացվում է, որ Թուրքիայում տարեկան միջինում 180.000 երեխա է ներգրավված հանցագործությունների մեջ։
Վերջին 10 տարիների ընթացքում հանցագործությունների մեջ ներգրավված երեխաների թիվն աճել է 17.47%-ով։
Թեև որոշվել է, որ 2021-ին հանցագործությունների մեջ ներգրավված է եղել 134.464 երեխա, այս ցուցանիշը նախորդ տարվա համեմատ աճել է 31%-ով՝ հասնելով 176.128-ի 2022 -ին, իսկ 2023-ին հասել է 177.174-ի։ 10 տարվա կտրվածքով հանցագործության մեջ ներգրավված երեխաների թիվն աճել է 17.74%-ով։
Հանցագործությունների ամենատարածված տեսակներն են դիտավորյալ վնասվածք հասցնելը, գողությունը, վիրավորանքը, սպառնալիքները, կողոպուտը և թմրանյութերը։
Աղբյուր՝ Yeni Çağrı
